Баланын төрөлүшү ата-эне үчүн чоң кубаныч эле болбостон, анын тарбиясы үчүн дагы чоң жоопкерчилик.

Ата-энеси жана жакындары тарабынан болгон мээрим, түшүнүү өмүрдүн биринчи жылдарында баланын өсүшү жана өнүгүүсү үчүн чоң мааниге ээ.
Кичинекей бала өзүнө абдан көп көңүл буруунү талап кылат, ошондой эле ата-эне дагы буга бардык күчүн жумшоого түура келет.
Баланын толук баалуу өнүгүүсү үчүн төрөлгөндөн баштап эле жакшы тарбиялоо ыкмаларын билүү жана колдонуу керек.
Бала ыйлап, чыргоолонуп жаткан учурда аны уктатуу же тамак жегенге мажбурлоо кыйын, ата-энеге өздөрүн көзөмөлдөө да оор болот. Алар тынчсызданып, кыжырланып же ачуулана баштайт.
Ата-эне кичинекей бала өзүнүн сезимдерин жана эмоцияларын башкача билдирип, өзүнүн керектөөлөрү жөнүндө айта албагандыктан ыйлап, чыргоолонуп жана кыжырлана тургандыгын дайыма эле түшүнө беришпейт.
Мындай жүрүм-турум ушул курак үчүн дээрлик нормалдуу деп эсептеле тургандыгын билүүсү маанилүү.

МЭЭРИМ ТӨККҮЛӨ
Балага жылмаюу, сылоо, кучактоо, өбүү, сезимдерди кубануу менен бил дирүү аркылуу сүйүүңөрдү билдиргиле. Мындай мээримди ал гана эмес ымыркайлар дагы сезишет.

МАМИЛЕ ТҮЗГҮЛӨ

Бала менен дайыма тыгыз мамиледе болуу, аны угуу, анын эмоцияларын тушүнүү зарыл. Ата-эне менен болгон ишенимдүү мамиле — бул балага баарынан дагы көбүрөөк керек. Мындай жол менен ал дүйнөнү тааныйт, башка адамдар менен өз ара аракеттенишүүнү үйрөнөт жана өзүн тааныйт.

КУРЧАП ТУРГАН ДҮЙНӨНҮ ТААНЫГАНГА ЖАРДАМ БЕРГИЛЕ

Бала жашоосунун биринчи жылдарында курчап турган чөйрөнү активдүү тааный баштайт. Бул мезгилде ата-эне аны менен көбүрөөк мамиле кылууга, буюмдардын аталышын атоого жана эмнеге арналгандыгын айтып берүүгө, баланын көбүрөөк сүйлөшүнө түрткү берүү менен суроолорду берүүгө тийиш.