Кыргызстанда жаңы төрөлгөндөн баштап 7 жашка чейинки балдардын ден соолугу боюнча эки санариптик платформаны иштеп чыгуу пландаштырылууда.

Бул демилгени ишке ашыруунун жолдорун ЮНИСЕФ уюмунун өкүлдөрү Республикалык ден соолукту чыңдоо жана массалык коммуникация борборунун адистери менен талкуулашты.
Платформа аркылуу ата-энелерге, тарбиячыларга, ошондой эле балдардын өздөрү үчүн пайдалуу маалыматтар берилиши күтүлүүдө. Жакынкы аралыкта биринчи платформаны сыноо катары ишке киргизүү пландалууда.