COVID 19

Пост-ковид синдрому

110

22.02.2022 Temirlan

Пост-ковид синдрому оорунун оор-жеңил формасына карабастан пайда болот

Nature (Британия) журналындагы илимий макаланын авторлору АКШнын ардагерлер иштери боюнча министрлигинин маалымат базасын анализдеп, COVID-19дан айыгып чыккандардын дем алуу, жүрөк-кан тамыр, нерв системаларынын бузулушу, психикалык бузулуулар, ошондой эле метаболизмдин бузулушу жана башка кыйынчылыктар бар экенин аныкташкан.

Оорунун кесепеттери оорунун жүрүшүнө жараша болоору жана ооруканага жаткырылган дагы, амбулатордук дарылоодон өткөн бейтаптарда дагы катталган.

Окумуштуулар пост-COVID синдрому адамдын COVID-19 менен жабыркаган формасына карабастан пайда болушу мүмкүн деген жыйынтыкка келишкен.

Ошол эле учурда, коронавирус инфекциясынан кийин өлүм жана оорунун күчөп кетүү коркунучу бир топ жогору экени белгилүү болгон.

Айыккандан алты ай өткөндөн кийин, ооруканага жаткырылбаган адамдар дем алуу органдарынын ооруларына, ошондой эле дем алуу органдарынын жетишсиздигине жана төмөнкү дем ​​алуу жолдорунун ооруларына чалдыгышкан.

Бул жөтөлгө каршы, какырык чыгаруучу, астмага каршы дарылардын жана глюкокортикоид дармектеринин көбөйүшү менен тастыкталат.

Ошондой эле нерв системасынын бузулушу, баш оору, уйкунун бузулушу, тынчсыздануунун жогорулаганы байкалган. Бул учурда опиоиддик эмес жана опиоиддик анальгетиктерди, антидепрессанттарды жана седатив каражаттарын колдонуу көбөйгөн.

COVID-19дан кийинки метаболикалык эффекти липиддердин алмашуусунун бузулушунан, кант диабетинин пайда болушунан жана семирүүдөн байкалган.

Жүрөк-кан тамыр системасы боюнча гипертония, аритмия, коронардык атеросклероз сыяктуу абалдар катталган.

Ашказан-ичеги органдарында – ичеги-карын оорулары, дисфагия, ич оорушу жана башкалар байкалган.

Изилдөөдө COVID-19дан айыгып чыккан 73,435 адамдын ден соолугунун натыйжалары жана ооруга чалдыкпаган 4,9 миллион адамдын ден соолугу изилденип, ошондой эле колдонулган дары-дармектер жана лабораториялык натыйжалар салыштырылган.

Categories: COVID 19

Tagged as:

Leave a Reply

Your email address will not be published.