COVID-19: Вакциналар боюнча далилденип, тастыкталган гана маалыматтар!
Акыркы убакта коронавирус инфекциясына каршы эмдөө боюнча жетиштүү далилдер менен тастыкталбаган маалыматтар көбөйгөнүнө байланыштуу Республикалык ден соолукту чыңдоо жана массалык коммуникация борбору социалдык тармактар аркылуу түз обого чыгып, жарандарды кызыктырган суроолорго жооп берүүнү чечти.
Алгачкы түз обого Республикалык ден соолукту чыңдоо борборунун директорунун орун басары Нуржамал Шейшеева жана Бишкек шаардык санитардык эпидемиологиялык көзөмөл борборунун иммундук профилактика бөлүмүнүн башчысы Бурул Асыкбекова катышты.