ММК өкүлдөрү дем алыш күнү “Алтын Балалык” реабилитациялык борборуна барышты. Саламаттыкты сактоо министрлиги журналисттер үчүн пресс-тур уюштуруп, Алымкадыр Бейшеналиев өзү алып барды. Пресс-турдун алкагында журналисттер борбордун сейилдөө аянтынын аймагына көчөт отургузушту.
![](https://saksalamat.kg/wp-content/uploads/2022/04/WhatsApp-Image-2022-04-25-at-17.36.19-1.jpeg)
![](https://saksalamat.kg/wp-content/uploads/2022/04/WhatsApp-Image-2022-04-25-at-17.32.46-1.jpeg)
Ысык-Көлдүн жээгиндеги «Алтын-балалык» балдар реабилитациялык борборунун курулуш иштери 17 жылдан бери токтоп турган. Курулуш иштери 2021-жылдын октябрь айында өткөн кайрымдуулук марафонунан кийин башталды.
Учурда объектте жалпы курулуш иштеринин 80%ы бүткөрүлдү. Чатыры жабылып, эшик-терезелери орнотулуп, ички жасалгасы бүткөрүлдү.
Реабилитациялык борбор 1-июнь Балдарды коргоонун эл аралык күнүнө карата ачылаары күтүлүүдө. Саламаттыкты сактоо министрлигинин жетекчилиги мекеменин өз убагында пайдаланууга берилиши үчүн бардык аракеттерди көрүп жатат.
![](https://saksalamat.kg/wp-content/uploads/2022/04/WhatsApp-Image-2022-04-25-at-17.36.27-1.jpeg)
Имараттын жалпы аянты 19,5 миң чарчы метрди түзөт, борбор бир эле учурда 250 баланы жана алардын ата-энелерин кабыл ала алат.
Реабилитациялык борбор 10 блокко (А, Б, Н, В, Г, Д, Е, Ж, И, К) бөлүнгөн. Имаратта дарылоо, калыбына келтирүү, дарылоо-ден соолукту чыңдоо бөлүмдөрү, клиникалык диагностикалык лаборатория жана балдар жана ата-энелер үчүн пансионат жайгашат. Борбордо бейтаптардын ыңгайы үчүн бардык шарттар түзүлгөн – кенен бөлмөлөр, жайлуу эс алуу зоналары, ашкана, актовый зал, пляж жана башка жайлар.
![](https://saksalamat.kg/wp-content/uploads/2022/04/WhatsApp-Image-2022-04-25-at-17.36.24-1.jpeg)
Борбордо бейтаптардын ынгайлуулугу үчүн бардык шарттар түзүлүүдө – кенен бөлмөлөр, ыңгайлуу эс алуу зоналары, ашкана, жыйындар залы, пляж жана башка жайлар.
Ошондой эле борборго чектеш аймактарды көрктөндүрүү, спорттук оюн-зоок комплекстерин, анын ичинде улуттук оюндарды ойноочу аянтчаларды түзүүгө өзгөчө көңүл бурулууда. Бул жерде бардык курактагы балдар ачык абада ырахат алышат.
Пляжда сейилдөөчү жай, күндөн же жаан-чачындан коргоо үчүн жасалган чатырлар, суу ичүүчү фонтандар жана отургучтар болот.
![](https://saksalamat.kg/wp-content/uploads/2022/04/WhatsApp-Image-2022-04-25-at-17.36.13-1.jpeg)
Долбоордун баасы 1,8 миллиард сомду түзүп, аны ишке ашырууга демөөрчүлөр жардам беришти. Медициналык жабдууларды сатып алууга жардамды «Кумтөр» компаниясы жана эл аралык донорлор көрсөтүштү.
“Куруучулар күнү-түнү иштеп жатышат. Майдын аягы ачылсак, анан калган катканын күзгө чейин жасап алабыз. Азыр ички жасалгаларынын көбү бүттү, тамак аш блогу жасалууда. Майдын 15-20на чейин бүтүрөбүз деп аракет кылуудабыз”- деп кошумчалады “Алтын Балалык” ден соолукту калыбына келтирүү комплексинин директору ТИЛЕК МААТКЕРИМОВА.
Categories: ЖАҢЫЛЫКТАР