Республикалык ден соолукту чыңдоо жана массалык коммуникация борборунун адистери коронавирус инфекциясына каршы эмдөө боюнча калк арасында түшүндүрүү иштерин жүргүзүп жатышат. Борбордун директорунун орун басары Нуржамал Шейшеева, облустун иммунологу Гүлай Дулатова, Нарын облустук жана райондук үй-бүлөлүк медицина борборунун ден соолукту чыңдоо кабинеттеринин адистери баштаган топ Нарын районундагы үй-бүлөлүк медицина борборлоруна келген жарандарга эмдөө жөнүндө так жана тастыкталган маалыматтарды беришти. Иш-чара суроого жооп иретинде өттү.