“Тазалык биринчи орунда”
Кыргызстандын бардык медициналык уюмдарынын кызматкерлери ишембиликке чыгышты
![](https://saksalamat.kg/wp-content/uploads/2022/10/su12.jpeg)
КР Саламаттык сактоо министрлигинин буйругуна ылайык өлкөдөгү бардык медициналык уюмдар “Улуттук тазалык күндөрүн” өткөрүшүүдө.
![](https://saksalamat.kg/wp-content/uploads/2022/10/su3-1.jpeg)
Иш-чаранын алкагында КР Саламаттык сактоо министри Гүлнара Баатырова, анын орун басарлары баштаган топ Эл аралык “Манас” аба майданына жакын аймактагы жолдун жээгин тазалады.
![](https://saksalamat.kg/wp-content/uploads/2022/10/su13-1.jpeg)
Ал эми өлкөнүн бардык медициналык уюмдарынын эмгек жамааты мекеменин жалпы колдонуудагы бөлмөлөрүн жууп, короолорун шыпырышты.
![](https://saksalamat.kg/wp-content/uploads/2022/10/subbot3-1.jpg)
Анын ичинде Республикалык ден соолукту чыңдоо жана массалык коммуникация борборунун эмгек жамааты Логвиненко 8 дарегиндеги көп кабаттуу медициналык уюмдун короосуна түшкөн жалбырактарды, таштандыларды чыгарышты.
![](https://saksalamat.kg/wp-content/uploads/2022/10/su13-2.jpeg)
“Тазалык – бул элдин ден соолугуна керектүү, маанилүү факторлордун бири. Тазалыкты сактоо, айлана-чөйрөнү булгабоо – элдин саламаттыгын сактоодо терең мааниге ээ. “Улуттук тазалык күндөрү” сыяктуу иш-чараларды өткөрүү – адамдарга бир гана тазалыкты эмес, физикалык активдүүлүктү тартуулайт. Дайыма кыймыл-аракетте болуу жугуштуу эмес оорулардын алдын алат”, – дешет борбордун эмгек жамааты.
![](https://saksalamat.kg/wp-content/uploads/2022/10/su19-1.jpeg)
Categories: Экологиялык шарт
👍👍👍