Бул суроо “Дени сак шаарлар” долбоорунун алкагында талкууланды.
![](http://saksalamat.kg/wp-content/uploads/2022/10/gor10-2.jpeg)
7-октябрда болгон иш-чара Республикалык ден соолукту чыңдоо жана массалык коммуникация борборунун катышуусунда КР Саламаттык сактоо министрлиги тарабынан уюштурулду.
![](https://saksalamat.kg/wp-content/uploads/2022/10/gor11-1.jpeg)
Саамалык Дүйнөлүк саламаттык сактоо уюму, өлкөдөгү 31 шаардын жетекчилери, жергиликтүү өзүн өзү башкаруу органдарынын өкүлдөрүнүн катышуусунда өттү.
![](https://saksalamat.kg/wp-content/uploads/2022/10/gor8-1.jpeg)
Тегерек столдун катышуучулары “Дени сак шаарлар” программасынын Улуттук түйүнү жана шаарлардагы саламаттык сактоо профилдери боюнча иликтөөнүн жыйынтыктары менен таанышты.
![](https://saksalamat.kg/wp-content/uploads/2022/10/gor15-1.jpeg)
Ошондой эле долбоордун келечеги жөнүндө пикир алышып, тажрыйба алмашышты.
![](https://saksalamat.kg/wp-content/uploads/2022/10/gor12-1.jpeg)
Иш-чаранын күн тартибине дүйнөдөгү жана Кыргызстандагы COVID-19 боюнча эпидемиологиялык кырдаалды талкуулоо, ооруга каршы калкты эмдөөнү жогорку деңгээлге көтөрүү, “Дени сак шаарлар” долбоорун жогорку сапатта ишке ашыруу, булганган абанын шаардыктардын саламаттыгына тийгизген таасирин азайтуу жана башка суроолор кирди.
![](https://saksalamat.kg/wp-content/uploads/2022/10/gor4-1.jpeg)
Тегерек столдун жыйынтыгында атайын резолюцияга кол коюлду.
![](https://saksalamat.kg/wp-content/uploads/2022/10/gor9.jpeg)
Маалымат үчүн: КР Саламаттык сактоо министрлигинин маалыматына ылайык 2018-жылдан бери “Дени сак шаарлар” программасынын Улуттук түйүнү иштеп жатат.
Ал жашоочулардын ден соолугун жана бакубаттуулугун камсыздоого, анын ичинде COVID-19га каршы эмдөөнү жакшыртууга, дени сак шаар чөйрөсүн түзүүгө арналган. Ошондой эле, калктын ден соолугун жана жашоо сапатын жакшыртуу боюнча иш-чараларды жүргүзөт.
Categories: ЖАҢЫЛЫКТАР
👍👍👍
👍🏻👍🏻👍🏻👍🏻👍🏻