Физ. активдүүлүк

Физикалык активдүүлүк – сергек жашоо образынын эң маанилүү бөлүгү

260

21.07.2022 M.

Республикалык ден соолукту чыңдоо жана массалык коммуникация борбору дене тарбиясынын адам жашоосундагы мааниси тууралуу сөз кылат.

Физикалык активдүүлүк – сергек жашоо образынын эң маанилүү бөлүгү. Үзгүлтүксүз физикалык көнүгүү ден соолукту чыңдоого жана сактоого өбөлгө түзөт, ошондой эле ар кандай оорулардын пайда болуу коркунучун азайтат, адамдын өмүрүн узартат.

Азыркы жашоо өткөн кылымдардагы жашоого салыштырмалуу бир топ жеңилдеп калгандыктан, физикалык активдүүлүк кескин төмөндөдү. Адамдар күнүмдүк иштерди жасоого мурункудай көп күч-аракет жумшоонун кереги жок. Ошондуктан, күн тартибине физикалык көнүгүүлөрдү кошуу керек.

Физикалык активдүүлүк денени чыңдоого гана жардам бербестен, мээнин иштешине да оң таасирин тийгизет. Физикалык активдүүлүк менен жүрөктүн кагуусу көбөйөт жана ошого жараша кан мээге активдүү агып келет. Дем алуу ылдамдыгы канчалык жогору болсо, канга кычкылтек ошончолук көп кирет.

Оптималдуу физикалык активдүүлүккө жөө басуу, ар кандай спорттук оюндар, бийлөө, гимнастикалык көнүгүүлөрдү жасоо аркылуу жетишүүгө болот.

Пайдалуу кеңештер:

Унааңызды көздөгөн жериңизден 1-2 блок алыстыкка токтотуп, унааңызга жөө барыңыз. Тынымсыз  унаа айдоодон мүмкүн болушунча алыс болуңуз жана коомдук транспортту, велосипедди, жөө жүрүүнү көбүрөөк колдонуңуз.

Бош убактыңызда активдүү эс алууга аракет кылыңыз. Кадимки физикалык форманы сактоо үчүн жумасына 3 жолудан кем эмес 20-30 мүнөттүк активдүү физикалык көнүгүү жетиштүү, бул организмди кычкылтек менен камсыз кылууну жакшыртат.

Эртен менен жумуш күнү башталганга чейин физикалык көнүгүү үчүн убакыт бөлсөңүз ал иш күнүңүзгө көбүрөөк жакшы маанай жана денеңизге ырахат тартуулайт.   

Физикалык көнүгүүлөрдүн башталышында денени адаптациялоо үчүн көнүгүүлөр тынч темп менен баштоо керек, андан кийин ал темпке көнүү, физикалык көнүгүүлөрдүн интенсивдүүлүгүн жана татаалдыгын акырындык менен жогорулатуу керек. Сиз эң жакын болгон көнүгүүлөргө жана спортко көбүрөөк көңүл буруңуз.

Үзгүлтүксүз физикалык активдүү болуңуз, туруктуулук физикалык машыгууга сейрек, интенсивдүү аракеттерге караганда пайдалуураак болот.

Кыймылсыз жашоо ар кандай жүрөк-кан тамыр ооруларына, кант диабетине, семирүүгө алып келет, бул олуттуу кыйынчылыктарды жаратып, ден соолугуңузга коркунуч келтирет.

Физикалык активдүү жашоо менен дени сак организм сутка ичинде керектелген бардык калорияларды күйгүзөт, ал эми кыймылдын жетишсиздиги менен организмде калориялар чогулуп, депозиттерди пайда кылат. Жакшы физикалык форманы сактоо үчүн, көнүгүү менен тамактануунун ортосундагы тең салмактуулукту сактоо керек, анткени бул процесстер өз ара байланышта, бул сиздин денеңизге түздөн-түз таасир этет.

Эсиңизде болсун, физикалык активдүүлүк ден соолукту сактоодо жана чыңдоодо маанилүү аспект, ошондуктан ал сиздин жашооңуздун ажырагыс бөлүгү болуп калышы керек!

Leave a Reply

Your email address will not be published.