Урматтуу ата-энелер,
акыркы убакта мектеп жашындагы (7 жаштан 17 жашка чейинки) балдар арасында орозо кармоо көнүмүш болуп калды. Бирок, дарыгерлер төмөнкү себептерден улам, орозо кармоодон баш тартууну сунуштайт:
Ден соолукка тийгизген терс таасирлери: Мектеп жашындагы балдар физикалык жана психологиялык өнүгүүнүн маанилүү баскычында турат. Орозо кармоо балдардын ден соолугуна терс таасирин тийгизген тамактануу жана уктоо режиминин бузулушуна алып келиши мүмкүн.
![](https://saksalamat.kg/wp-content/uploads/2024/03/image-6.png)
Окуудагы жетишкендиктердин төмөндөшү: Начар тамактануу жана уйкунун жетишсиздиги балдардын концентрациясын, көңүл буруусун жана окууга болгон жөндөмдүүлүгүн бир топ алсыратат. Бул мектептеги көрсөткүчтөрдүн төмөндөшүнө алып келиши мүмкүн.
![](https://saksalamat.kg/wp-content/uploads/2024/03/image-7.png)
Стресстин жана толкундануунун күчөшү: Тамактануунун жана уйкунун жетишсиздиги балада стрессти пайда кылып, ал өз кезегинде кыжырланууга жана эмоционалдык абалдын начарлашына алып келет.
![](https://saksalamat.kg/wp-content/uploads/2024/03/image-8.png)
Иммундук системанын начарлашы: Жетишсиз тамактануу жана уйку баланын иммундук системасын алсыратып, ар кандай жугуштуу ооруларга көбүрөөк кабылышы мүмкүн.
![](https://saksalamat.kg/wp-content/uploads/2024/03/image-9.png)
Физикалык жактан жараткан коркунучтар: Узакка созулган тамак-ашсыз же суусуз абал, баланын ден соолугуна жана коопсуздугуна коркунуч келтириши мүмкүн, өзгөчө чоң адам тараптан кароосуз калганда.
![](https://saksalamat.kg/wp-content/uploads/2024/03/image-10.png)
Балдарыбыздын ден соолугу жана бакубат жашоосу биринчи орунда турушу керектигин унутпаңыз. Сураныч, балдарды үзгүлтүксүз тамактандырып, жетиштүү уктатып, күнүмдүк иштерине колдоо көрсөтүңүз.
Categories: Алдын алуу, Тамактануу