Иш бөлмөсүндөгү иреттүүлүк – жигердүү эмгектин күзгүсү!
Кооздугу көздү уялткан кабинет Баткен облусунун Кадамжай районуна караштуу Айдаркен шаардык жалпы дарыгердик практика борборунда аныкталды. Бул иш бөлмөсү аталган медициналык уюмдун ден соолукту чыңдоо кабинетинин адиси Алима Сарыбаевага таандык.

“Иш бөлмөдөгү иреттүүлүк – ал жерде эмгектенген адистердин жигердүү эмгегинен кабар берет. Таза кабинетте иш алып баруу маанайды көтөрөт жана жаңы демилгелердин жаралышына өбөлгө түзөт”, – деди өз сөзүндө Алима Сарыбаева.