РЕСПУБЛИКАЛЫК ДЕН СООЛУКТУ ЧЫҢДОО ЖАНА МАССАЛЫК КОММУНИКАЦИЯ БОРБОРУ 
202 | Республикалык Ден соолукту чыңдоо жана массалык коммуникация борбору COVID-19га каршы эмдөө боюнча медициналык талкуу клубун ишке киргизди. Коронавирус пандемиясы саламаттыкты сактоо тутумуна чоң жүк бойдон калууда жана дүйнө жүзү боюнча оорулардын менен өлүмдүн көбөйүшүнө себеп болду. Кыргызстанда 2022-жылдын июнь айына карата оорунун 200 993 учуру катталган, ал эми өлүмгө алып келген учуру 2991 болгон. Коронавирус инфекциясын жуктурууда эң көп жабыркагандар, улгайган жана кошумча өнөкөт оорулары бар адамдар болду. Эмдөө бул COVID-19ДУ жеңүүдө натыйжалуу чара. Кыргызстанда COVID -19га каршы вакциналар бардык каалоочулар үчүн жеткиликтүү болгонуна карабастан, калктын эмдөө деңгээли төмөн бойдон калууда. РДЧжМК борборунун калкты COVID -19га каршы эмдөө боюнча жумалык баяндамасына ылайык, КРнын жарандарынын басымдуу бөлүгү эмдөө маселелеринде эксперт – окумуштууларга жана дарыгерлерге ишенишет. Ушуга байланыштуу РДЧжМК борбору калк арасында COVID-19га каршы эмдөө маселелеринде медициналык кызматкерлердин потенциалын жогорулатуу максатында, тобокелдик тобундагы бейтаптарды дарылаган медициналык адистерди окутат. Тактап айтканда, жүрөк-кан тамыр, эндокриндик оорулар, кургак учук менен ооругандарга – коронавируска каршы эмдөө биринчи кезекте көрсөтүлгөн, бирок алардын кооптонуусунан жана шектенүүсүнөн улам тийиштүү деңгээлде ишке ашпай жатат. Эми Бишкекте медиктер үчүн дискуссиялык клубдар башталат, анда COVID-19га каршы эмдөөгө байланыштуу эң актуалдуу маселелер талкууланат. Дебат клубдары-бул медициналык адистер менен байланышуунун түп-тамырынын жаңы форматы. Аларды ишке киргизүүдө USAID LHSS “саламаттык сактоо системасынын туруктуулугун бекемдөө”долбоорунун колдоосу менен ишке ашууда. |
Categories: COVID 19, ЖАҢЫЛЫКТАР