Коронавирус инфекциясына каршы эмдөөнүн пайдалуу жактары, ден соолукка тийгизген таасирлери жана COVID-19 пандемиясын чектөөдөгү мааниси Эл ТР телеканалынын түштүк редакциясында ири ток-шоу иретинде талкууланды. Берүүгө Республикалык ден соолукту чыңдоо борборунун Түштүк филиалынын башчысы Жаннаткан Муратова, Ош шаарынын вице-мэри Эмил Шадыханов, Ош шаарынын саламаттык сактоо боюнча координатору Кыял Ташполотов, иммунологдор, үй-бүлөлүк дарыгерлер, медицина илимдеринин докторлору, кандидаттары, эмгек сиңирген дарыгерлер, инфекционисттер, гепатологдор жана башка медицина кызматкерлеринен турган 19 адис катышты.