Урматтуу жүргүнчүлөр! Коомдук транспортто СИЗДЕР үчүн максималдуу коопсуз жана ыңгайлуу шарттар түзүлгөн:

• Күн сайын ар бир каттамдан кийин салонго дезинфекция жасалып турат.
• Салонду желдетүү эрежеси сакталат (аба ырайы жакшы болгон шарттарда терезелердин ачык болушу, кун суук убактарда акыркы аялдамаларда өтмө желдетүү).
• Жүргүнчүлөр үчун транспорттун салонунун кире беришинде санитайзерлер жана байланышсыз төлөм жүргүзүү үчүн автоматтар орнотулган.
• Жүргүнчүлөргө отуруучу орундардын 60-70%на гана отурууга уруксат берилет.
• Айдоочу 1метр физикалык аралыкты сактоону эске алуу менен жүргүнчүлөрдү салуу жана түшүрүү үчүн жетишерлик убакыт бөлөт.

СИЗДЕР коронавирус инфекциясынын жугуусуна бөгөт коюу чараларын сактоого жана төмөндөгү сунуштарды аткарууга тийишсиздер:

• Коомдук транспортто беткаптарды тагынгыла (кийүү, тагынып жүрүү жана чечүү эрежелерин сактагыла, ошондо гана беткап пайдалануу эффективдүү болот).
• Жарым-жартылай толгон транспортко отургула.
• Эгерде айдоочу кийинки транспортту күтө турууну өтүнсө, түшүнүү менен мамиле кылгыла.
• Транспортко кирүүнүн алдында жүргүнчүлөрдүн ортосунда 1метр аралыкты сактагыла.
• Колуңарды автобус же троллейбустун кире беришине орнотулган санитайзердеги антисептика менен тазалагыла.
• Жүргүнчү орундарына башка жүргүнчүлөрдөн физикалык аралыкты сактоо менен, б.а. шахматтык тартипте отургула.
• Төлөмдү байланышсыз («Тулпар» карточка системасы) жол менен төлөгүлө, андай жок болгон учурда төлөмдү кайтарымсыз жүргүзүү үчүн майда тыйындарды мүмкүн болушунча көбүрөөк камдап алгыла.