Коронавируска байланышкан көйгөй өлкөбүздү кыйгап өткөн жок. Аталган дартка каршы күрөштө элибиз дарыгерлер менен биргеликте активдүүлүгүн көрсөттү. Бул жаатта республикада жүргүзүлгөн иш-чаралар тууралуу саламаттык сактоо министринин орун басары Нурболот Усенбаев баяндайт.

Буга чейин белгилүү болгон SARSCoV-2 белгисиз типтүү эмес (атипиялык) пандемиядан улам келип чыккан COVID-19 пандемиясы биринчи чыккан өлкөлөрдү гана эмес бүт дүйнө жүзүнүн шаштысын кетирип койду. Коронавирус инфекциясы 185 өлкөдө катталды, кыргыз республикасында бул инфекция 18-мартта биринчи жолу үч адамда табылып, дүйнөдөгү коронавирус чыккан 170 өлкөнүн ичине кирди. Бүгүнкү күндө чек арадагы көзөмөлдөп-өткөрүү пункттарында 13 санитардык-карантиндик пункт (СКП) бар, аларда күнү-түнү кезметчилик уюштурулган: «Манас» абамайданындагы СКП Бишкек шаарындагы мамлекеттик санитардык эпидемиологиялык көзөмөл борборлорунун (МСЭКБ) кызматкерлери менен, ал эми түштүктөгү скплар – аймактык МСЭКБлардын кызматкерлери менен күчтөндүрүлгөн. Башка өлкөлөрдөн келген бардык жарандар обсервацияларга жаткырылууда, ал жакта COVID-19га ПЧР менен текшерилип медициналык кызматкерлердин көзөмөлүндө үч күн болушат. анализдери таза болсо, консультативдик-эксперттик комиссиянын (инфекционист, эпидемиолог дарыгер) чечими менен жашаган жерине 14 күнгө үй карантинине чыгарылып, баштапкы медициналык-санитардык жардам адистеринин (мобилдик топ) көзөмөлүндө болушат. инкубациялык мезгил өткөндөн кийин каттоодон чыгарылат. Эгерде оору бар экени ырасталса бейтап андан ары дарылоо үчүн стационарга жаткырылат.