КММА алдыңкы катарда күрөшүүдө

Карантин башталгандан тарта жана ушул кезге чейин И.К.Ахунбаев атындагы Кыргыз мамлекеттик медициналык академиясынын (КММА) ординатор жана дарыгерлеринин чоң тобу бардык медициналык мекемелерде үзгүлтүксүз обочолонуу режиминде COVID-19 коронавирус инфекциясы менен күрөштө алдыңкы катарда иштөөсүн улантып келет. Ар бир бейтаптын ден соолугу жана өмүрү үчүн активдүү күрөшүүдө. ҮМБ мобилдик бригадаларында иштеп жатышат, тез жардам станцияларында жана борбор калаанын кол-борборлорунда дарыгер болуп нөөмөттө турушат, санитардык жана блокпосттордо кызмат өтөшүүдө. Ошондой эле ординаторлор жана студенттер бүгүнкү күндө МСЭКБде ыктыярчылар болуп саналарын жана пандемия шарттарында пландуу санитардык-эпидемиологиялык иш-чараларга тартылып жаткандыгын белгилей кетүү керек. Медакадемиянын жетекчилиги ЖОЖдун окутуучулары жана ординаторлору эмгектенип жаткан мекемелерге гуманитардык жардам көрсөтүп жатышат.