Ошентип көптөн күткөн күз мезгилн да келди. Узаган жай айлары дарыгерлер үчүн эле эмес, кыргыз эли үчүн дагы чоң сыноо болду. Бүткүл дүйнө элин ар тараптан өзгөрүүгө мажбур кылган СОVID-19 инфекциясы бизге өзүнүн кайгылуу жыйынтыктары менен сабак болду. Алдыда аба ырайынын суук мезгили менен коштолгон оорулар дагы жылдагыдай эле өз кезеги менен айлана бермекчи.
Буга байланыштуу биздин Республикалык ден соолукту чыңдоо жана массалык коммуникаңия борбору калк арасында оорулардын алдын алуу боюнча колдон келишинче көбүрөөк маалымат жеткирүүгө аракет кылууда. Атайын иш-чаралар өткөрүлүп, маалымат баракчаларын, колдонмолорду, китепчелерди чыгаруу улантылып жатат. Материалдар республиканын бардык аймактарына жөнөтүлүүдө. Журналыбыздын кезектеги санына калкыбыз үчүн жана медицина кызматкерлери үчүн маанилүү маалыматтарды, кеп-кеңештерди бердик. Ошондой эле кардиолог, гинеколог, балдар хирургунун кызыктуу маек-тери жана алыскы тоолуу аймакта иштеген медайымдын баяндамалары жарык көрдү.
Сиздерди терең урматтап, “Ден соолук плюс” журналынын негиздөөчүсү, КР Саламаттык сактоо министрлигине караштуу Республикалык ден соолукту чыңдоо жана массалык маалымат борборунун директору Нурила Алтымышева.

МАЗМУНУ

❮❮❮_❯❯❯